ဒီပုံမှာ မြင်တွေ့နေရတာကတော့ ကမ္ဘာ့အကြီးဆုံး ကုန်းရေနှစ်သွယ်သွား (Hovercraft) ရှပ်ပြေးယာဉ် ကြီးဖြစ်တဲ့ Zubr Class (Project 1232.2) ဖြစ်ပါတယ်။ ရုရှားနိုင်ငံ၊
စိန့်ပီတာစဘတ်မြို့မှာရှိတဲ့ Almaz Shipbuilding ကုမ္ပဏီက ထုတ်လုပ်ထားတာပါ။
Zubr Class ကို "ကမ်းတက်စစ်ဆင်ရေး" တွေမှာ အဓိကအသုံးပြုဖို့ ရည်ရွယ်တည်ဆောက်ထားတာပါ။ သူ့ရဲ့ထူးခြားချက်ကတော့ သံချပ်ကာယာဉ်တွေ၊ လက်နက်တွေအပြင် စစ်သည်အင်အား ၃၆၀ ဦးအထိ သယ်ဆောင်နိုင်စွမ်းရှိပြီး၊ ကမ်းခြေကို တစ်နာရီ ကီလိုမီတာ ၁၀၀ (မိုင် ၆၀ ဝန်းကျင်) အထိ အမြန်နှုန်းနဲ့ တိုက်ရိုက်ချဉ်းကပ်နိုင်တာပါပဲ။
ယာဉ်ရဲ့အနောက်ဘက်မှာ တပ်ဆင်ထားတဲ့ အင်ဂျင် ၃ လုံးကနေ မြင်းကောင်ရေ 10,000 အားကို ထုတ်ပေးနိုင်ပါတယ်။ (တချို့သတင်းရင်းမြစ်တွေအရ မြင်းကောင်ရေ ၅၈,၀၀၀ အထိရှိတယ်လို့ ဆိုကြပါတယ်။)
Zubr Class ရဲ့ အလျားဟာ ၅၇ မီတာ (၁၈၇ ပေ)၊ အနံ ၂၅.၆ မီတာ (၈၄ ပေ) ရှိပြီး၊ ဘောလုံးကွင်းတစ်ဝက်စာလောက် ကြီးမားပါတယ်။
Zubr Class Hovercraft ယာဉ်တွေဟာ စစ်ရေးလေ့ကျင့်မှုတွေမှာသာမက ကုန်ပစ္စည်းသယ်ယူပို့ဆောင်ရေး၊ ကယ်ဆယ်ရေးလုပ်ငန်းတွေမှာပါ အသုံးပြုနိုင်စွမ်းရှိတဲ့ ယာဉ်အမျိုးအစားဖြစ်ပါတယ်။
အဓိကအသုံးပြုသည့်နိုင်ငံများ
ရုရှား
ယူကရိန်း (ယခင်)
ဂရိ
တရုတ်
